گورنر عمران اسماعيل پاڪستان اسٽاڪ ايڪسچينج جو دورو ڪيو

گورنر عمران اسماعيل پاڪستان اسٽاڪ ايڪسچينج جو دورو ڪيو، سندس چوڻ آهي ته پوليس ۽ سڪيورٽي فورسز ڀارتي سازش کي ناڪام بڻايو.
سنڌ جو گورنر عمران اسماعيل حملي بعد اسٽاڪ ايڪسچينج جو دورو ڪيو.
دوري دوران ميڊيا سان ڳالهائيندي عمران اسماعيل چيو ته ڪالهه افسوسناڪ واقعو ٿيو، اها وڏي سازش ڀارتي ايجنسي را جي هئي پر پوليس، سڪيورٽي گارڊن ۽ ٻي فورسز بهادريءَ جو مظاهرو ڪيو.
هن چيو ته دهشتگردن جو مقابلو ڪيو ويندو، هو ڪنهن به اداري کي ڪمزور ٿيڻ نه ڏيندا.
عمران اسماعيل چيو ته حملي سب انسپيڪٽر ۽ سڪيورٽي گارڊ بهادريءَ سان وڙهندي شهيد ٿي ويا، جيڪي غازي آهن هو انهن کي خراج پيش ڪرڻ لاءِ گورنر هائوس ۾ تقريب ڪوٺائي ويندي.
هن چيو ته شهيدن جي وارثن ۽ غازين کي پيسن جي امداد لاءِ هو دوستن سان رابطي ۾ آهن، کين سٺو معاوضو ڏنو ويندو.
گورنر چيو ته حملي باوجود اسٽاڪ ايڪسچينج ۾ تيزي آئي……….