ملڪ ۾ ڪورونا وائرس جي پکيڙ تي ضابطو نه اچڻ سبب وڌيڪ 118 مريض فوت ٿي ويا ۽28 سئو 46 نوان ڪيس ظاهر ٿيا آهن.

ملڪ ۾ ڪورونا وائرس جي پکيڙ تي ضابطو نه اچڻ سبب وڌيڪ 118 مريض فوت ٿي ويا ۽28 سئو 46 نوان ڪيس ظاهر ٿيا آهن.
نيشنل ڪمانڊ اينڊ آپريشن سينٽر موجب جاري ڪيل انگ اکرن موجب گذريل 24 ڪلاڪن ۾28سئو 46 ڄڻا ڪورونا جو شڪار ٿيا آهن، جنهن بعد مريضن جو انگ ٻه لک 9 هزار 337 ٿي ويو.
نيشنل ڪمانڊ اينڊ آپريشن سينٽر موجب هڪ ڏينهن اند وڌيڪ 118 ڄڻن جي فوت ٿيڻ بعد حياتي وڃائيندڙن جو انگ چار هزار ٽي سئو چار ٿي ويو آهي.
نيشنل ڪمانڊ اينڊ آپريشن سينٽر جي انگ اکرن موجب ڪورونا متاثرن جو سڀ کان وڌيڪ انگ سنڌ ۾ آهي، جتي هيل تائين 81 هزار 985 ڄڻن ۾ وائرس جي تصديق ٿي چڪي آهي.
انگ اکرن موجب پنجاب ۾ 75 هزار 501، ڪي پي ۾ 26 هزار 115، بلوچستان ۾ 10 هزار 426 ڪيسن جي تصديق ٿي چڪي آهي.
نيشنل ڪمانڊ اينڊ آپريشن سينٽر موجب اسلام آباد ۾ 12 هزار 775، گلگت بلتستان ۾ هڪ هزار 470 ۽ آزاد ڪشمير ۾ ڪورونا مريضن جو انگ هڪ هزار 65 ٿي ويو آهي.
نيشنل ڪمانڊ اينڊ آپريشن سينٽر طرفان جاري ڪيل انگ اکرن موجب ملڪ جي مختلف اسپتالن ۾ ڪورونا جا پنج هزار 299 مريض علاج آهن ۽ هيل تائين مجموعي طور 98 هزار کان وڌيڪ صحتياب ٿي چڪا آهن….