وزيراعظم عمران خان چيو ته ماڪڙ ملڪ لاءِ خطرناڪ ثابت ٿي سگهي ٿي.

وزيراعظم عمران خان چيو ته ماڪڙ ملڪ لاءِ خطرناڪ ثابت ٿي سگهي ٿي، ڪنهن به قسم جي ڪوتاهي برداشت نه ڪئي ويندي، ڪورونا جو ايندڙ مرحلو ڏکيو هوندو، لاڪ ڊائون جا فيصلا مرڪزي سطح تي ٿيڻ گهرجن.
قومي اسيمبلي ۾ خطاب ڪندي وزيراعظم عمران خان چيو ته ملڪ ۾ 36 ڪيسن تي لاڪ ڊائون ڪيو ويو، صوبن ڪرونا کي منهن ڏيڻ لاءِ پاڻ قدم کنيا.
هن چيو ته ڪورونا جو ايندڙ مرحلو ڏکيو هوندو، لاڪ ڊائون جا فيصلا مرڪزي سطح تي ٿيڻ گهرجن، ڪورونا سان گڏ ماڻهن کي بک بدحالي کان به بچائڻو آهي.
عمران خان چيو ته هر ملڪ پنهنجي حساب سان فيصلا ڪري رهيو آهي، آمريڪا جي 23 رياستن ۾ ڪورونا وڌڻ باوجود لاڪ ڊائون کوليو پيو وڃي.
وزيراعظم چيو ته ڪورونا سبب معيشت متاثر ٿي، ان باوجود حڪومت هڪ ڪروڙ 20 لک خاندانن جي مالي مدد ڪئي.
عمران خان چيو ته صوبن اين ايف سي مان فاٽا کي رقم ڏيڻ جو واعدو ڪيو هو، هاڻي کين واعدو پورو ڪرڻ گهرجي.
وزيراعظم چيو ته حڪومت جي سڀ کان وڏي ڪاميابي پرڏيهي پاليسي آهي، ڀارت پاڪستان کي ڪمزور ڪرڻ لاءِ پورو زور لڳائي رهيو آهي.