ن ليگ اڳواڻ خواجه آصف چيو آهي ته ملڪ ۾ دهشتگردي پکيڙيندڙ کي وزيراعظم شهيد ڪوٺيو.

ن ليگ اڳواڻ خواجه آصف چيو آهي ته ملڪ ۾ دهشتگردي پکيڙيندڙ کي وزيراعظم شهيد ڪوٺيو، کين تاريخ تي ليڪچر نه ڏنو وڃي، قوم کي سندن اصليت جي خبر پئجي وئي آهي، ميرٽ جي ڳالهه ڪندڙ ٻڌائن ته جهانگير ترين ڇو ويٺل آهي؟
قومي اسيمبليءَ جي اجلاس دوران ڳالهائيندي خواجه آصف چيو ته وزيراعظم جي تقرير فرمائشي هئي، اها تقرير نه ٿئي ته هو جواب نه ڏين ها، وزيراعظم جنهن ڪتاب جو ريفرنس ڏنو اهو ٻيهر وڃي پڙهي.
هن چيو ته گذريل ٻن ورهين ۾ ڪا گنجائش ڇڏي وئي آهي جو مخالف ڌر ساڻس سهڪار ڪري، راڻا ثناءُ الله تي 20 ڪلو هيروئن ڪيس مڙهيو ويو، عمران خان ٿاڻي واري سياست ڪري ٿو.
خواجه آصف چيو ته سڪيورٽي ڪائونسل جو غير مستقل ميمبر بڻجڻ وڏي ڳالهه ناهي پر وڌيڪ ووٽ کڻڻ ضرور مسئلو آهي، نام نهاد مسلمان ملڪن به ڀارت کي ووٽ ڏنو.
ن ليگ اڳواڻ چيو ته ڪنهن ملڪ ۾ دهشتگردي پکيڙي وزيراعظم عمران خان ان کي شهيد قرار ڏنو.
خواجه آصف چيو ته عمران خان کين زڪام جو ليڪچر ڏيندو رهيو ۽ چيو ته گهٻرائڻو ناهي، پر هاڻي جيڪا تباهي اچڻي آهي، ان مان جان ڇڏائڻي آهي.
ن ليگ اڳواڻ چيو ته وزيراعظم تقرير ڪري هليو ويو، کيس بلاول ۽ سندس تقرير ٻڌڻ گهرجي ها، وزيراعظم کي حوصلو ڪم ڪرڻو پوندو، .
خواجه آصف چيو ته ميرٽ جي ڳالهه ڪندڙ ٻڌائن ته جهانگير ترين ڇو ويٺل آهي؟
ن ليگ اڳواڻ چيو ته وزيراعظم ساٿين جي ڳالهه مڃي ٽيوشن وٺي ها جيڪو کيس معاشيات جو سبق ڏي.