سنڌ هاءِ ڪورٽ اسٽيل ملز کي خانگائڻ ۽ ملازمن کي برطرف ڪرڻ خلاف وفاق جو جواب ملڻ بعد درخواست تي وڌيڪ ٻڌڻي کان انڪار ڪري ڇڏيو.

سنڌ هاءِ ڪورٽ ۾ اسٽيل ملز کي خانگائڻ ۽ ملازمن کي برطرف ڪرڻ خلاف درخواست جي ٻڌڻي ٿي.
اٽارني جنرل طرفان لکت ۾ جواب جمع ڪرايو ويو، جنهن ۾ عدالت کي ٻڌايو ويو ته اسٽيل ملز بابت ڪيس سپريم ڪورٽ ۾ ٻڌڻي هيٺ آهي، سنڌ هاءِ ڪورٽ ڪيس نٿي ٻڌي سگهي.
درخواست ڏيندڙ جي وڪيل چيو ته سپريم ڪورٽ ۾ اسٽيل ملز کي خانگائڻ نه پر ملازمن جي ترقي بابت ڪيس ٻڌڻي هيٺ آهي.
هن چيو ته هي 9 هزار ملازمن جي مستقبل جو سوال آهي.
اٽارني جنرل جي لکت ۾ جواب ملڻ بعد سنڌ هاءِ ڪورٽ ڪيس ٻڌڻ کان انڪار ڪيو.
جسٽس عمر سيال چيو ته اٽارني جنرل جو واضح جواب اچي ويو آهي، تنهن ڪري هاڻي ڪيس وڌيڪ نٿو ٻڌي سگهجي، درخواست ڏيندڙ فيصلي کي سپريم ڪورٽ ۾ فيصلي کي چئلينج ڪري سگهي ٿو.