اڳوڻي وزيراعظم ۽ پيپلز پارٽي جي چيئرپرسن محترمه بينظير ڀٽو جي اڄ 67هين سالگرهه ملهائي پئي وڃي

اڳوڻي وزيراعظم ۽ پيپلز پارٽي جي چيئرپرسن محترمه بينظير ڀٽو جي اڄ 67هين سالگرهه ملهائي پئي وڃي، پ پ چيئرمين بلاول ڀٽو زرداري جو چوڻ آهي ته اندروني ۽ پرڏيهي چئلينجز سبب قوم اڄ بينظير ڀٽو جي کوٽ محسوس ڪري رهي آهي، جيالا شهيد بي بي جي سالگرهه گهرن ۾ ملهائن.
اڳوڻي وزيراعظم ۽ پيپلز پارٽي جي چيئرپرسن محترمه بينظير ڀٽو جي اڄ 67هين سالگرهه ملهائي پئي وڃي.
شهيد راڻي جي سالگرهه جي موقعي تي جاري ڪيل بيان ۾ بلاول ڀٽو زرداري چيو ته اندروني ۽ پرڏيهي چئلينجز سبب قوم اڄ بينظير ڀٽو جي کوٽ محسوس ڪري رهي آهي.
سندس چوڻ هو ته ڪورونا وائرس، ماڪڙ جي حملي ۽ ڪرندڙ معيشيت سبب عوام شهيد راڻي جي کوٽ محسوس ڪري پيو.
هن چيو ته صوبائي خودمختياري ۽ اين ايف سي شهيد محترمه بينظير ڀٽو جي جدوجهد جو ثمر آهن.
بلاول ڀٽي زرداري جو چوڻ هو ته شهيد راڻي والد ۽ ٻن ڀائرن جي قرباني جي باوجود جمهوريت کي مضبوط ڪرڻ لاءِ پنهنجو ڀرپور ڪردار ادا ڪيو.
هن چيو ته بينظير ڀٽو جي سوچ ۽ فڪر اڄ به عوام کي ريوڙ سمجهندڙ عنصرن خلاف اصل مزاحمت آهي.
سندس چوڻ هو ته شهيد راڻي جو فڪر ۽ فلسفو پاڪستان کي پيش ايندڙ مسئلن جي ڪنجي آهي.
پ پ چيئرمين چيو ته پ پ جمهوريت، آئين ۽ قانون جي حڪمراني، غربت جي خاتمي لاءِ جدوجهد جاري رکندي.
پ پ چيئرمين بلاول ڀٽو زرداري چيو ته جيالا شهيد راڻي محترمه بينظير ڀٽو جي 67هين سالگرهه گهرن ۾ ملهائن..
هوڏانهن ڳڙهي خدابخش ڀٽي ۾ ڪورونا پکڙجڻ جي خدشي سبب شهيد راڻي جي سالگرهه جي ڪا به تقريب ناهي رٿي وئي.
پ پ چيئرمين بلاول ڀٽو زرداري شهيد بينظير ڀٽو جي آخري آرامگاهه تي حاضري ڀري ستهٺ گلدستا رکي خراج پيش ڪندو.
نئين ديري هائوس کان ڳڙهي خدا بخش ڀٽو تائين سيڪورٽي جا غير معمولي انتظام ڪيا ويا آهن.