ڪورونا وائرس جي پکيڙ روڪڻ لاءِ لاهور جا ڪجهه علائقا ٻارهين وڳي سيل ڪيا ويندا.

لاهور ۾ ڪورونا سبب حياتيون ضايع ٿيڻ ۽ مريضن جي انگ ۾ تيزي سان اضافو ٿي رهيو آهي، جنهن سبب صوبائي حڪومت طرفان ڪيترن ئي علائقن کي سيل ڪيو پيو وڃي.
ڪورونا وائرس سبب وڌيڪ متاثر علائقن کي اڄ رات ٻارهين وڳي سيل ڪيو ويندو، جتي رڳو ضرورت جي شين جا دڪان کولڻ جي اجازت هوندي.
سيل ٿيندڙ علائقن ۾ ڊي ايڇ اي فيز ون جا سمورا سيڪٽرَ، عسڪري ٽين جو علائقو، ڊي ايڇ اي فيز فائيو جا سمورا سيڪٽر شامل آهن.
جوهر ٽائون جو بي بلاڪ، ايف ٽو بلاڪ، جي ٽو بلاڪ، جي ٿري بلاڪ ۽ ڪينال ويو سوسائٽي بي بلاڪ به سيل ڪيا ويندا.
گلبرگ بي ون بلاڪ، بي ٽو بلاڪ، بي ٿري بلاڪ به مڪمل سيل ڪيا ويندا، جڏهن ته داروغه والا، سراج پوره، بلال ڪالوني، جلو موڙ، ڌوٻي پاڙو، پي او باڪس باٽا پورا، اي بلاڪ، بسم الله هائوسنگ اسڪيم کي به مڪمل طور سيل ڪيو پيو وڃي.