سنڌ ۾ ڪورونا وائرس تي ضابطو نه اچي سگهيو آهي، ڪيسن ۾ تيزي سان واڌ وارو سلسلو پڻ جاري آهي

سنڌ ۾ ڪورونا وائرس تي ضابطو نه اچي سگهيو آهي، ڪيسن ۾ تيزي سان واڌ وارو سلسلو پڻ جاري آهي.
دادو ۾ ڪورونا جا وڌيڪ 9 ڪيس ظاهر ٿيا آهن، جڏهن ته وڌيڪ هڪ مريض فوت به ٿيو آهي.
انتظاميا موجب چئن اهلڪارن ۽ هڪ قيدي جي رپورٽ پازيٽو آئي آهي، جنهن بعد مريضن جو انگ 171 ٿي ويو آهي.
انتظاميا موجب وڌيڪ هڪ مريض فوت ٿيڻ بعد فوتين جو انگ 4 ٿي ويو آهي.
سيوهڻ جي سيد عبدالله ساهه انسٽيٽيوٽ ۾ داخل ڪورونا وائرس ۾ مبتلا 50 ورهين جو شخص فوت ٿي ويو.
فوتي کي دل جي تڪليف سبب ٽي ڏينهن اڳ اسپتال ۾ داخل ڪرايو ويو هو.
اسپتال انتظاميه موجب مريض کي داخل ڪرڻ وقت سندس ڪورونا ٽيسٽ ڪئي وئي هئي، جيڪا هاري آئي.
فوتي شخص جو مڙهه ايس او پي تحت وارثن حوالي ڪيو، جيڪي لاش ميهڙ کڻائي ويا.
سڄي سنڌ جئيان شڪارپور ۾ به ڪورونا وائرس جي متاثرن ۾ ڏينهون ڏينهن واڌ ٿي رهي آهي.
ڪجهه ڏينهن اڳ ضلعي انتظاميه پاران 97 ڄڻن جا نمونا ورتا ويا هئا، جن مان ٽن ڄڻن جي رپورٽ هاڪاري آئي آهي.
ٽي ڪيس پازيٽو اچڻ کانپوءِ شڪارپور ۾ ڪورونا جي مريضن جو ان 443 تائين پهچي ويو آهي.
ميرپور خاص ۾ فوڪل پرسن جي گهر واري سميت ٻن ڄڻن کي ڪورونا هجڻ جي تصديق ٿي وئي آهي، جنهن کانپوءِ مريضن جو انگ 160 ٿي ويو آهي.
مٽياري ۾ ڪورونا جا وڌيڪ 13 ڪيس ظاهر ٿيا آهن، جنهن بعد مريضن جو انگ 31 تائني پهچي ويو آهي.
انتظاميا موجب ٽيسٽ پازيٽو اچڻ بعد مريضن کي آئسوليٽ ڪيو ويو آهي.
انتظاميا جو چوڻ آهي ته نوان ڪيس ظاهر ٿيڻ بعد مريضن جو انگ 31 تائين پهچي ويو آهي.
ٽنڊي محمد خان ۾ پڻ ڇهن ڄڻن کي ڪورونا هجڻ جي تصديق ٿي وئي آهي.
متاثر مريضن ۾ 2 ملازم ۽ چار شهري آهن.
ڊي ايڇ او جو چوڻ هو ته هڪ ڏينهن اڳ 55 ڄڻن جا ڪورونا ٽيسٽ لاءِ نمونا ورتا ويا هئا، جن مان ڇهن ڄڻن جي رپورٽ هاڪاري آئي آهي.
خيرپور جي منشي پاڙي واسي کي ڪورونا ٽيسٽ پازيٽو اچي وئي آهي.
متاثر شخص کي سندس ئي گهر ۾ آئسوليٽ ڪيو ويوآهي.
جيڪب آباد ۾ وڌيڪ 11 ڪيس ظاهر ٿيا آهن.
پني عاقل ۾ وڌيڪ 20، سڪرنڊ ۾ 10، ميرپور خاص ۾ 2 ۽ نوابشاهه ۾ ڪورونا وائرس جي وڌيڪ 10 ڪيسن جي تصديق ڪئي وئي آهي.
سڪرنڊ لڳ ڳوٺ پنهل خان چانڊئي ۾ پڻ ڪورونا جا ڏهن ڪيس سامهون اچڻ کانپوءِ انگ 76 تائين پهچي ويو آهي.
خانپور مهر جي خانڳڙهه تعلقي ۾ ڪورونا وائرس جا وڌيڪ چار نوان ڪيس ظاهر ٿيا آهن.
چئن ڄڻن جي رپورٽ هاڪاري اچڻ کانپوءِ تعلقي ۾ متاثر مريضن جو انگ 71 تائين پهچي ويو آهي.
سيوهڻ ۾ ستن ڄڻن ڪورونا وائرس هجڻ جي تصديق کانپوءِ متاثر جو انگ وڌي هڪ سئو ايڪيهه ٿي ويو آهي.
متاثرن ۾ ٻه اين آءِ سي وي ڊي جا ڊاڪٽر ۽ ٽي شهري آهن، جن مان هڪ جي حالت ڳڻتي جوڳي ٻڌائي پئي وڃي.
باقراڻي تعلقي ۾ ڪورونا جا ٽي ڪيس ظاهر ٿيا آهن.
متاثرن ۾ آريجا واسي، ڳوٺ سلطان جهتيال ۽ ڳوٺ پنجو ديرو جو هڪ هڪ ڳوٺاڻو شامل آهي.
هالاڻي جي خانگي بئنڪ جي اٺن ملازمن جي ڪورونا ٽيسٽ پازيٽو اچي وئي آهي.
ڪجهه ڏينهن پهرين ٻارنهن ملازمن جي ٽيسٽ ڪئي وئي هئي، جنهن مان اٺن جي رپورٽ پازيٽو آئي.
اٺن ملازمن جي رپورٽ هاڪاري اچڻ کانپوءِ بئنڪ کي سيل ڪيو ويوآهي..
ٺري ميرواهه لڳ ڳوٺ مٽ واسي نوجوان کي جي ڪورونا رپورٽ هاڪاري آئي آهي، جنهن جي تعلقي صحت کاتي جي عملدار پاران پڻ تصديق ڪئي وئي آهي.
اوٻاوڙي ۾ ڪورونا جا 4 ڪيس ظاهر ٿيڻ بعد متاثر مريضن جو انگ 89 ٿي ويوآهي.
هڪ ڏينهن اڳ صحت کاتي پاران 52 ڄڻن جا ڪورونا ٽيسٽ لاءِ نمونا ورتا ويا هئا، جن مان چئن ڄڻن جي رپورٽ هاڪاري آئي.
هوڏانهن گهوٽڪي ۾ ڊي سي پاران ضلعي اندر ماسڪ پائڻ لازمي قرار ڏنو ويو آهي.
ڊپٽي ڪمشنر ليفٽيننٽ رٽائرڊ محمد سليم پاران جاري ڪيل نوٽيفڪيشن ۾ چيو ويو ته ڪورونا وائرس سبب ماسڪ پائڻ لازمي آهي.
نوٽيفڪيشن ۾ چيو ويو ته ضلعي اندر سماجي وٿي کي به يقيني بڻايو وڃي، ايس او پيز تي مڪمل عمل ٿيڻ گهرجي.
نوٽيفڪيشن موجب بنا ضرورت جي گهر مان ٻاهر نڪرڻ وقت ماسڪ جو استعمال ڪيو وڃي.
ڊي سي جو چوڻ هو ته قانون جي ڀڃڪڙي ڪندڙن خلاف قلم 188 تحت ڪيس داخل ڪيو ويندو……..