سنڌ حڪومت جي ترجمان مرتضيٰ وهاب چيو آهي ته صوبي ۾ ڏهن سالن جي عمر جا 17 سئو 12 ٻار ڪورونا ۾مبتلا آهن، هن وقت تائين چار ٻارڙا زندگي جي جنگ هارائي ويا آهن.
سماجي رابطن واري ويب سائيٽ تي جاري ڪيل بيان ۾ مرتضيٰ وهاب چيو ته احتياط نه ڪرڻ جو نقصان ٻارڙن کي ٿي رهيو آهي، هاڻي رڳو احتياط ئي ڪورونا کان بچائي سگهي ٿو.
سندس چوڻ آهي ته گهر مان نڪرڻ وقت ماسڪ استعمال ڪيو وڃي، گهرن ۾ رهي ٻارڙن ۽ بزرگن کي ڪورونا کان تحفظ فراهم ڪيو وڃي.
هن چيو ته هو پهرين ڏينهن کان وٺي عوام کي احتياطي تددبيرن تي عمل ڪرڻ جي اپيل ڪري رهيا آهن.
سنڌ سرڪار جي ترجمان جو چوڻ هو ته ڪجهه عنصرن ماڻهن کي گهمراهه ڪرڻ جي ڪوشش ڪئي پر کين ناڪامي نصيب ٿي.
بئريسٽر مرتضيٰ وهاب جو چوڻ هو ته هو ڊاڪٽرن جي مشورن سان صحيح رخ ڏانهن وڃي رهيا آهن ۽ کين اميد آهي ته ڪورونا خلاف جنگ ۾ ڪاميابي ضرور ملندي……..
صوبي ۾ ڏهن سالن جي عمر جا 17 سئو 12 ٻار ڪورونا ۾مبتلا آهن: مرتضيٰ وهاب
(Visited 9 times, 1 visits today)
