پ پ چيئرمين بلاول ڀٽو زرداريءَ اسٽيل ملز ملازمن جو ڀرپور ساٿ ڏيڻ جو اعلان ڪيو آهي، سندس چوڻ آهي ته ڪورونا جي صورتحال ۾ هڪ به ملازم کي فارغ نٿو ڪري سگهجي، پ پ جو موقف چٽو آهي، برطرفين خلاف هو هر فورم تي ويندا.
ڪراچيءَ ۾ وڏي وزير ۽ ٻين سان گڏ پريس ڪانفرنس ڪندي بلاول ڀٽو زرداري چيو ته ڪورونا جي صورتحال ۾ هڪ به ملازم کي فارغ نٿو ڪري سگهجي، موجوده صورتحال ۾ اسٽيل مل جي 10 هزار ملازمن کي فارغ ڪرڻ ناانصافي آهي.
هن چيو ته اين ايف سي جي جوڙجڪ وارو نوٽيفڪيشن غير قانوني آهي، پ پ ان معاملي تي اي پي سي گهرائڻ جو فيصلو ڪيو آهي.
بلاول ڀٽو زرداري چيو ته وفاقي حڪومت رويو درست ڪري ملڪ ۾ جنگي صورتحال آهي.
هن چيو ته پاڪستان ۾ ڪورونا جا مريض چين کان وڌي ويا آهن، وزيراعظم چوي پيو ته ڪورونا پکڙجي ويو، هاڻي ڪجهه نٿا ڪري سگهن.
بلاول چيو ته ڪورونا وائرس پاڪستان ۾ زبردستي پکڙيو ويوآهي، سندن ڪوشش هئي ته ڪورونا پکيڙ کي روڪيو وڃي، سنڌ حڪومت ڪورونا کي روڪڻ لاءِ بهتر قدم کنيا پر وفاقي سرڪار سنڌ جي ڪوششن کي نقصان پهچايو.
هن چيو ته وفاق ڪم نٿو ڪري ته سنڌ حڪومت جي ڪوششن کي نقصان ته نه پهچائي ها وفاقي سرڪار پاڻ ڪم نٿو ڪري ته کين ڪرڻ ڏئي.
سندس چوڻ هو ته وفاق کي فرنٽ لائن تي ڪم ڪندڙ ڊاڪٽرن جي ڳالهه ٻڌڻ گهرجي، وفاقي حڪومت غريبن جون زندگيون خطري ۾ وجهي ڇڏيون آهن، هو ڪيستائين تحريڪ انصاف جي نااهلي برداشت ڪندا.
بلاول ڀٽو زرداري چيو ته عمران خان کي سڄي پاڪستان جو وزيراعظم بڻجڻ گهرجي، ڊاڪٽرن ۽ طبي عملي جي حفاظت سندن ذميواري آهي.
هن چيو ته سنڌ ۾ ماڪڙ فصل تباهه ڪري ڇيا آهن پر وفاقي حڪومت هن وقت تائين ماڪڙ خاتمي لاءِ اڃا اسپري ناهي ڪرايو……………….
پ پ چيئرمين بلاول ڀٽو زرداريءَ اسٽيل ملز ملازمن جو ڀرپور ساٿ ڏيڻ جو اعلان ڪيو آهي
(Visited 9 times, 1 visits today)
قومي اسيمبلي جو اجلاس اڄ ٿي رهيو آهي، جنهن جي ڏهه نقاطي ايجنڊا به جاري ڪئي وئي آهي.
عيد کان پوءِ لاڪ ڊائون ۾ نرميءَ جو فيصلو صلاح مشوري سان ڪيو ويندو،اعجاز شاهه
آرمي چيف جنرل قمر جاويد باجوه سان چيني ڊاڪٽرن جي وفد ملاقات ڪئي آهي.
ملڪ ۾ ڪورونا وائرس تي ضابطو نه اچي سگهيو آهي، 24 ڪلاڪن دوران وڌيڪ 67 ڄڻا حياتيون وڃائي ويٺا،
