سنڌ ۾ ڇنڇر ۽ آچر ڏهاڙي لاڪ ڊائون سخت

سنڌ ۾ ڇنڇر ۽ آچر ڏهاڙي لاڪ ڊائون سخت ڪرڻ واري هڌايتن تي پوليس مختلف شهرن ۾ ڪارروائي ڪري کليل ڪاروبار بند ڪرائي ڇڏيو آهي.
سرڪار جي هدايتن تي پوليس عمرڪوٽ ۾ کيل مک بازارون بند ڪرائي ڇڏيون آهن، جڏهن ته شهر جي مک چوڪن توڙي چوراهن تي پوليس اهلڪارن کي مقرر ڪيو ويو آهي.
شهر ۾ ميڊيڪل اسٽور ريزڪي دڪان ۽ کير جا دڪان کليل آهن.
پوليس عملدارن ۽ اهلڪارن پاران شهرين کي گهرن تائين محدود رهڻ جون هدايتون ڪيون پيون وڃن.
سانگهڙ ۾ به واپارين سنڌ سرڪار جي حڪمن ڪاروبار بند رهيو کيو.
شهر ۾ رڳو عام واهپي جا دڪان ۽ ميڊيڪل اسٽور کولڻ جي اجازت ڏني وئي آهي.
ڪوٽ غلام محمد ۽ تلهار ۾ پڻ پي سي او تحت سمورو ڪاروبار بند ۽ ٽريفڪ پڻ روڊن تائين غائب به غائب آهي.
پوليس پاران سڃاڻپ ڪارڊ چيڪ ڪرڻ کانپوءِ ماڻهن کي شهر ۾ داخل ٿيڻ جي اجازت ڏني پئي وڃي.
سن ۽ ڀرپاسي جي شهرن ۾ پڻ لاڊ ڊائون کي سخت ڪيو ويو آهي.
پوليس آمري، لڪي شاهه صدر ۽ سن ۾ کليل دڪان توڙي بازارون بند ڪرائي ڇڏيون..
موري ۾ به پوليس ايس اوپي تي عمل ڪرائيندي کليل بازارون توڙي دڪان بند ڪرائي ڇڏيا، جڏهن ته کير، ڀاڄين ۽ ٻين عام واهپي جي دڪانن کي کولڻ جي اجازت ڏني وئي.
مديجي ۾ شاهي بازار، اسٽيشن روڊ، مين بس اسٽينڊ، علي وارث چوڪ، لب مهراڻ سميت مختلف ڪاروباري مرڪز پوليس بند ڪرايا..
هوڏانهن چمبڙ ۾ لاڪ ڊائون تي عمل نه ٿي سگهيو آهي.
شهر ۾ بازارو توڙي، زرعي دوائن جا مرڪز پڻ کليل آهن……..