سنڌ جي مختلف شهرن ۾ روڊ حادثن دوران ٽي ڄڻا فوت ۽ 10 زخمي ٿي پيا.
ڄامشوري ويجهو سوزوڪي ۽ ايمبولينس ۾ ٽڪر جي نتيجي ۾ هڪ ڄڻو فوت ۽ هڪ زخمي ٿي پيو.
انڊس هاءِ وي تي خاڻوٺ ويجهو سيوزڪي ۽ ايمبولينس ۾ ٽڪر ٿي پيو، جنهن جي نتيجي ۾ ڪنڊياري واسي سڪندر ملاح فوت ۽ هڪ ڄڻو زخمي ٿي پيو.
اطلاع تي پوليس پهچي فوتي جو مڙهه ۽ زخمي کي اسپتال منتقل ڪيو.
جتان ضروري ڪارروائي بعد فوتي جو مڙهه وارثن حوالي ڪيو ويو، لاش گهر پهچائڻ تي ڪهرام مچي ويو.
هوڏانهن نواب ولي محمد ويجهو ٽرالر ۽ ڪار جي ٽڪر سبب هڪ ڄڻو فوت ۽ عورت زخمي ٿي پئي.
نيشنل هاءِ وي تي ٽرالر ۽ ڪار ۾ ٽڪر ٿي پيو، جنهن جي نتيجي ۾ 43 ورهين جو غلام عباس فوت ٿي ويو، جڏهن ته خيرپور واسڻ شيربانو سومرو زخمي ٿي پئي.
اطلاع تي پوليس فوتي جو مڙهه ۽ زخمي عورت کي اسپتال منتقل ڪيو.
پوليس موجب ڊرائيور کي گرفتار ڪري ٽرالر تحويل ۾ ورتو ويو آهي.
ٻئي پاسي سوئي گيس ويجهو چنگي رڪشا ۽ ڪار ۾ ٽڪر جي نتيجي ۾ هڪ ڄڻو فوت ۽ 7 زخمي ٿي پيا.
مهراڻ هاءِ وي تي ڪار ۽ چنگچي ۾ ٽڪر ٿي پيو، جنهن جي نتيجي ۾ 8 ڄڻا زخمي ٿي پيو، جن کي طبي امداد لاءِ اسپتال منتقل ڪيو ويو.
جتي نوجوان مختيار ميرجت زخمن جا سور نه سهندي فوت ٿي ويو.
فوتي جو مڙهه ضروري ڪارروائي بعد وارثن حوالي ڪيو ويو، لاش گهر پهچائڻ تي ڪهرام مچي ويو………………
