پي آءِ اي جي حادثي جو شڪار جهاز جي جاچ آخري مرحلي ۾ داخل ٿي وئي آهي.

ايئر بس 320 جهاز جي جاچ آخري مرحلي ۾ داخل ٿي وئي آهي، حادثي جي جاچ لاءِ آيل فرانسيسي ماهر جي ٽيم شاهديون گڏ ڪري ورتيون آهن.

11 رڪني ٽيم آچر ڏينهن جاچ مڪمل ڪري سومر ڏينهن واپس فرانس رواني ٿي ويندي.

ٽيم پاڻ سان گڏ بيلڪ باڪس ۽ ڪاڪ پٽ وائس رڪارڊر ڊي ڪوڊ ڪرڻ لاءِ فرانس کڻي ويندي.

جهاز حادثي واري هنڌ تان ملبو کڻڻ جو ڪم به اڄ مڪمل ٿيڻ جو امڪان آهي، تباهه ٿيل جهاز جي هڪ انجڻ به حادثي واري هنڌ موجود آهي، ان کي ڪرين جي مدد سان گهر کان ڇت تان لاٿو ويندو.