ڪورونا وائرس جي صورتحال بابت بيان جاري ڪندي وڏي وزير سيد مراد علي شاهه چيو ته 24 ڪلاڪن دوران 33 سئو 16 ٽيسٽون ڪيون ويون، جن مان 804 ڄڻن کي وائرس جي تصديق ٿي.
هن چيو ته چوويهن ڪلاڪن ۾ 31 ماڻهن جي وفات هن مهل تائين جو وڏو انگ آهي، ايڏي وڏي انگ ۾ ماڻهو فوت ٿيڻ سان ڏاڍي تڪليف ٿي آهي، الله پاڪ رحم ڪري.
هن چيو ته اڄ صحتياب ٿيل مريضن جو انگ به وڌيڪ آهي.
وڏي وزير چيو ته هن وقت 12 هزار 936 ڪورونا جا مريض علاج هيٺ آهن، جن مان 11 هزار 902 مريض گهرن ۽ 126 آئسوليشن مرڪزن ۾ آهن.
هن چيو ته اسپتالن ۾ 908 مريض علاج هيٺ آهن، مريضن مان 308 جي حالت ڳڻتيءَ جوڳي، 52 وينٽيليٽرن تي آهن.
سيد مراد علي شاهه چيو ته ڪورنگي ۾ 104، اوڀر ۾ 132، ڏکڻ ۾ 117 ۽ سينٽرل ضلعي ۾ 79 ڪيس آهن، ملير ۾ 68 ۽ اولهه ضلعي ۾ 61 نوان ڪيس طاهر ٿيا آهن.
وڏي وزير چيو ته حيدرآباد ۾ 37، گهوٽڪي ۾ 24 ۽ لاڙڪاڻي ۾ 23 نوان ڪيس آهن.
سندس چوڻ هو ته جيڪب آباد ۽ ڄامشوري ۾ 10-10، شڪارپور ۽ بدين ۾ 7-7 دادو ۾ 4، عمرڪوٽ 3 ۽ سانگهڙ ۾ 2 نوان ڪيس ظاهر ٿيا آهن، ڪشمور، خيرپور، مٽياري، نوانشاهه ۽ ٽنڊي الهيار ۾ هڪ هڪ ڪيس آهي…..
