صحت واري صوبائي وزير عذرا پيچوهو چيو آهي ته پي آءِ اي جهاز حادثي جي فوتين جا لاش وارثن حوالي ڪرڻ جو مرحلو هفتي ۾ مڪمل ٿيندو.

جاري ڪيل بيان ۾ لاشن جي سڃاڻپ لاءِ وارثن جا سيمپل وٺڻ جو مرحلو مڪمل ٿي ويو آهي.

هن چيو ته هن مهل تائين 97 مان 43 لاش سڃاڻپ بعد وارثن حوالي ڪيا ويا آهن، ڊي اين اي جي ميچنگ لاءِ سنڌ سرڪار جي ليبارٽري 24 ڪلاڪ ڪم ڪري پئي.

صوبائي وزير چيو ته فارنزڪ ليبارٽري وٽ مڪمل صلاحيت موجود آهي، ليبارٽريءَ طرفان 59 وارثن جي ڊي اين اي پروفائيلنگ به ڪئي وئي آهي.

سندس چوڻ هو ته ڊي اين اي ذريعي لاشن جي سڃاڻپ هڪ ڏکيو ۽ وقت طلب معاملو آهي، سنڌ سرڪار جلد کان جلد لاش وارثن حوالي ڪرڻ چاهي ٿي.