پي آءِ اي جي چوٿين خاص اڏام اڍائي سئو مسافرن کي کڻي آمريڪي رياست نيو جرسي مان لاهور پهچي رهي آهي.پاڪستاني حڪومت آمريڪا ۾ ڪورونا وائرس جي وبا جي ڪري ڦاٿل پاڪستانين جي واپسي لاءِ خاص چارٽرڊ اڏام جو بندوبست ڪيو آهي. قونصل جنرل عائشه علي نيويارڪ ايئرپورٽ، نيو جرسي مان مسافرن کي الوداع ڪيو. ان موقعي تي عائشه علي ايئرپورٽ تي پاڪستاني شهرين جي ڏيهه واپسي جي لاءِ کنيل قدمن جو جائزو پڻ ورتو. عائشه علي جو چوڻ هو ته سفارتخاني ۽ چئني قونصل خانن آمريڪا ۾ ڦاٿل پاڪستانين جي حفاظت سان وطن واپسي لاءِ هر ممڪن قدم ويا کنيا آهن. هن چيو ته آمريڪا ۾ ڦاٿل سمورن پاڪستانين کي سفارتخانن يا لاڳاپيل قونصل خانن ۾ رجسٽرڊ ڪيو ويو آهي. سندس چوڻ هو ته ڦاٿل پاڪستانين جي حفاظت سان ڏيهه واپسي حڪومت ۽ سفارتخانن، واشنگٽن ڊي سي جي پهرين ترجيح آهي. قونصل جنرل چيو ته پي آءِ اي جي پنجين خاص اڏام پهرين جون تي نيو يارڪ ايئرپورٽ، نيو جرسي مان اسلام آباد جي لاءِ رواني ٿيندي. عائشه عمر چيو ته خواهشمند پاڪستاني ايندڙ اڏام جي معلومات لاءِ هيل لائنن تي رابطو ڪن.
