دنيا ۾ ڪورونا وائرس سبب جاني نقصان ۽ ماڻهو متاثر ٿيڻ جو سلسلو رڪجي نه سگهيو

دنيا ۾ ڪورونا وائرس سبب جاني نقصان ۽ ماڻهو متاثر ٿيڻ جو سلسلو رڪجي نه سگهيو آهي، ڪورونا وائرس سبب پنج هزار کان وڌيڪ حياتيون ضايع ٿيڻ بعد فوتين جو انگ 3 لک 34 هزار کان وڌي ويو آهي، هڪ لک چار هزار کان وڌيڪ نوان مريض ظاهر ٿيڻ بعد متاثرن جو انگ 51 لک 88 هزار کان وڌي ويو آهي. وائرس متاثر ملڪن ۾ پهرين نمبر تي موجود آمريڪا ۾ وڌيڪ 1334 ڄڻا فوت ٿي ويا، جنهن بعد ملڪ فوتين جو انگ 96 هزار 270 ٿي ويو آهي، 27 هزار کان وڌيڪ ڪيس ظاهر ٿيڻ بعد متاثر 16 لک 19 هزار 8 سئو کان وڌي ويا آهن. روس ۾ ڪورونا وائرس سبب وڌيڪ 127 ڄڻا فوت ٿيڻ بعد فوتين جو انگ 3 هزار 99 ٿي ويو آهي، 8 هزار 849 نوان مريض ظاهر ٿيڻ بعد متاثر مريضن جو انگ 3 لک 17 هزار 554 ٿي ويو آهي. برازيل ۾ ڪورونا وائرس سبب وڌيڪ 1153 حياتيون ضايع ٿي ويون، جنهن بعد ملڪ ۾ وائرس سبب فوتين جو انگ 20 هزار 47 ٿي ويو آهي. اسپين ۾ وڌيڪ 52 ماڻهو اجل جو شڪار ٿيڻ بعد فوتين جو انگ وڌي 27 هزار 940 ٿي ويو آهي. برطانيا ۾ ڪورونا وائرس سبب وڌيڪ 338 حياتيون ضايع ٿي ويون، جنهن بعد ملڪ ۾ فوتين جو انگ 36 هزار 42 ٿي ويو آهي.اٽليءَ ۾ ڪورونا وائرس سبب وڌيڪ 156 حياتيون ضايع ٿي ويون، جنهن بعد فوتين جو انگ 32 هزار 486 ٿي ويو، 642 نوان مريض ظاهر ٿيڻ بعد متاثرن جو انگ 2 لک 28 هزار 6 ٿي ويو آهي. فرانس ۾ وڌيڪ 83 ڄڻا اجل جو شڪار ٿيڻ بعد فوتين جو انگ وڌي 28 هزار 215 ٿي ويو آهي جڏهن ته نوان ڪيس ظاهر ٿيڻ بعد متاثر هڪ لک 81 هزار 826 ٿي ويا آهن.ميڪسيڪو ۾ ڪورونا وائرس وڌيڪ 424 حياتيون ڳڙڪائي ويو، جنهن بعد فوتين جو انگ 6 هزار 90 ٿي ويو آهي، 22 سئو 48 نوان مريض ظاهر ٿيڻ بعد متاثر مريضن جو انگ 56 هزار 594 ٿي ويو آهي.ايران ۾ ڪورونا وائرس سبب وڌيڪ 66 حياتيون ضايع ٿي ويون، جنهن بعد فوتين جو انگ 7 هزار 249 ٿي ويو، 23 سئو 92 نوان مريض ظاهر ٿيڻ بعد متاثرن جو انگ هڪ لک 29 هزار 341 ٿي ويو آهي، جن مان هڪ لک 564 صحتياب ٿي چڪا آهن. ڀارت ۾ ڪورونا وائرس سبب وڌيڪ 150 ڄڻا فوت ٿي ويا، جنهن بعد فوتين جو انگ وڌيڪ 3 هزار 584 ٿي ويو آهي، 6 هزار هڪ سئو 98 وڌيڪ ڪيس ظاهر ٿيڻ بعد متاثر مريضن جو انگ هڪ لک 18 هزار 226 ٿي ويو آهي. ڪينيڊا ۾ 118، سوئيڊن ۾ 40، بيلجيئم ۾ 36،  بنگلاديش ۾ 22، انڊونيشيا ۾ 36، نيڌرلينڊ ۾ 27، يوڪرين ۾ 15، افغانستان ۾ 6، فلپائن ۾ 4،  بولوويا ۾ 10،  سوڊان ۾ 10، بلغاريا ۾ 4 ۽ بيلاروس ۾ 6 ڄڻا فوت ٿي ويا. دنيا ۾ 51 لک 87 هزار کان وڌيڪ مريضن مان مجموعي طور 20 لک 78 هزار کان وڌيڪ ماڻهو صحتياب ٿي چڪا آهن.