سنڌ ۾ ڪورونا سبب وڌيڪ 17 مريض فوت

سنڌ ۾ ڪورونا سبب وڌيڪ 17 مريض فوت ٿي ويا آهن، جنهن بعد فوتين جو انگ وڌي 316 ٿي ويو آهي، وڏي وزير سيد مراد علي شاهه  24 ڪلاڪن ۾ هڪ هزار کان وڌيڪ ڪيس ظاهر ٿيڻ تي ڳڻتي ظاهر ڪئي آهي. جاري ڪيل بيان ۾ وڏي وزير مراد علي شاهه جو چوڻ آهي ته  گذريل 24 ڪلاڪن ۾ هڪ هزار 17 نوان ڪورونا جا ڪيس ظاهر ٿيا آهن. وڏي وزير چيو ته  هڪ هزار 17 مان 813 ڪيسن جو تعلق ڪراچي سان آهي، جن مان اوڀر ضلعي ۾ 230، ڏکڻ ضلعي ۾ 157، سينٽرل ۾ 144 ڪورنگي ۾ 109، ملير ۾ 97 ۽ اولهه ضلعي ۾ 76 نوان  ڪيس ظاهر ٿيا آهن.مراد علي شاهه چيو ته  حيدرآباد ۾ 27، لاڙڪاڻي ۾ 26، خيرپور ۾ 18، سکر ۽ گهوٽڪي ۾ 15، 15  ڪيس رپورٽ ٿيا آهن.وڏي وزير ٻڌايو ته  بدين ۾ 8  ، ٺٽي ۽  قمبر شهداد ضلعي ۾ ست ست ڪيس رپورٽ ٿيا آهن.مراد علي شاهه موجب سجاول ۽ جيڪب آباد ۾ 2- 2 ڪيس ظاهر ٿيا آهن.وڏي وزير هڪ ڀيرو وري عوام کي احتياطي اپائن تي عمل ڪرڻ جي هدايت ڪندي چيو ته  کين پنهنجو پاڻ کي بچائڻ لاءِ درست فيصلا ڪرڻا پوندا، هو متحد ٿي عالمي وبا کان ڇوٽڪارو حاصل ڪري سگهن ٿا.