دنيا ۾ ڪورونا وائرس سبب جاني نقصان ۽ ماڻهو متاثر ٿيڻ جو سلسلو رڪجي نه سگهيو

دنيا ۾ ڪورونا وائرس سبب جاني نقصان ۽ ماڻهو متاثر ٿيڻ جو سلسلو رڪجي نه سگهيو آهي، ڪورونا وائرس سبب 11 سئو کان وڌيڪ حياتيون ضايع ٿيڻ بعد فوتين جو انگ 3 لک 30 هزار کان وڌي ويو آهي، 30 هزار کان وڌيڪ نوان مريض ظاهر ٿيڻ بعد متاثرن جو انگ 51 لک 14 هزار کان وڌي ويو آهي. وائرس متاثر ملڪن ۾ پهرين نمبر تي موجود آمريڪا ۾ وڌيڪ 13 ڄڻا فوت ٿي ويا، جنهن بعد ملڪ فوتين جو انگ 94 هزار 949 ٿي ويو آهي، 6 سئو کان وڌيڪ ڪيس ظاهر ٿيڻ بعد متاثر 15 لک 93 هزار کان وڌي ويا آهن. روس ۾ ڪورونا وائرس سبب وڌيڪ 127 ڄڻا فوت ٿيڻ بعد فوتين جو انگ 3 هزار 99 ٿي ويو آهي، 8 هزار 849 نوان مريض ظاهر ٿيڻ بعد متاثر مريضن جو انگ 3 لک 17 هزار 554 ٿي ويو آهي. برازيل ۾ ڪورونا وائرس سبب وڌيڪ 144 حياتيون ضايع ٿي ويون، جنهن بعد ملڪ ۾ وائرس سبب فوتين جو انگ 19 هزار 38 ٿي ويو آهي. ميڪسيڪو ۾ ورونا وائرس وڌيڪ 424 حياتيون ڳڙڪائي ويو، جنهن بعد فوتين جو انگ 6 هزار 90 ٿي ويو آهي، 22 سئو 48 نوان مريض ظاهر ٿيڻ بعد متاثر مريضن جو انگ 56 هزار 594 ٿي ويو آهي. ايران ۾ ڪورونا وائرس سبب وڌيڪ 66 حياتيون ضايع ٿي ويون، جنهن بعد فوتين جو انگ 7 هزار 249 ٿي ويو، 23 سئو 92 نوان مريض ظاهر ٿيڻ بعد متاثرن جو انگ هڪ لک 29 هزار 341 ٿي ويو آهي، جن مان هڪ لک 564 صحتياب ٿي چڪا آهن. ڀارت ۾ ڪورونا وائرس سبب وڌيڪ 22 ڄڻا فوت ٿي ويا، جنهن بعد فوتين جو انگ وڌيڪ 3 هزار 456 ٿي ويو آهي، 12 سئو 93 وڌيڪ ڪيس ظاهر ٿيڻ بعد متاثر مريضن جو انگ هڪ لک 13 هزار 321 ٿي ويو آهي.سوئيڊن ۾ 40، بيلجيئم ۾ 36،  بنگلاديش ۾ 22، انڊونيشيا ۾ 36، نيڌرلينڊ ۾ 27، يوڪرين ۾ 15، افغانستان ۾ 6، فلپائن ۾ 4،  بولوويا ۾ 10،  سوڊان ۾ 10، بلغاريا ۾ 4 ۽ بيلاروس ۾ 6 ڄڻا فوت ٿي ويا. دنيا ۾ 51 لک 10 کان وڌيڪ مريضن مان مجموعي طور 20 لک 40 هزار کان وڌيڪ ڄڻا صحتياب ٿي چڪا آهن.