اڳوڻي وزيراعظم شاهد خاقان عباسي چيو آهي ته ڪرڪيٽر ناڪام سياستدان هوندا آهن،

اڳوڻي وزيراعظم شاهد خاقان عباسي چيو آهي ته ڪرڪيٽر ناڪام سياستدان هوندا آهن، شاهد آفريدي وزيراعظم ٿيڻ چاهي ٿو ته چونڊن ۾ ڪاميابي حاصل ڪرڻي پوندي. اڳوڻي وزيراعظم شاهد خاقان عباسي سنڌ هاءِ ڪورٽ مان عبوري ضمانت حاصل ڪري ورتي.
شاهد خاقان عباسي درخواست ۾ موقف اختيارڪيو ته حڪومتي آرڊيننس جي موجودگيءَ ۾ مٿس نئون ريفرنس ٺاهڻ غير قانوني آهي.
هن چيو ته هو نيب ڪورٽ ۾ پيش ٿيڻ چاهي ٿو پر سندس عبوري ضمانت منظوري ڪئي وڃي.
پيشيءَ کانپوءِ ميڊيا سان ڳالهائيندي شاهد خاقان عباسي چيو ته حڪومتون ناڪام ٿي وڃن ته فيصلا عدالتون ڪنديون آهن. هن چيو ته نيب ٻهاري ڦيري يا ڪجهه ٻيو نيب ۽ ملڪ گڏ نه ٿا ٿلي سگهن. سندس چوڻ هو ته نيب چيئرمين نواز شريف تي رقم ڀارت منتقل ڪرڻ جو الزام هنيو، نيب چيئرمين پنج ارب نه پنج رپيه ڀارت منتقل ڪرڻ جو ثبوت پيش ڪري ته هو سياست ڇڏي ڏيندو. 
شاهد خاقان عباسي چيو ته ملڪ ۾ ڪا به حڪومت ناهي، ڪورونا وائرس خلاف ملڪي سطح تي پاليسي هئڻ گهرجي جيڪا نه ٺهي سگهي آهي. هن چيو ته هاڻي سمورن اسٽيڪ هولڊرن کي طئه ڪرڻو پوندو ته ملڪ ڪيئن هلندو.