افغانستان جي صوبي غزني ۾ انٽيليجنس ايجنسي جي آفيس تي طالبان جي ڪار بم حملو

افغانستان جي صوبي غزني ۾ انٽيليجنس ايجنسي جي آفيس تي طالبان جي ڪار بم حملي ۾ 7 ڄڻا مارجي ۽ 40 کان وڌيڪ ڄڻا زخمي ٿي پيا.
افغان اختيارين موجب، ڪار بم ڌماڪو انٽيليجنس ايجنسي اين ڊي ايس جي آفيس ويجهو صبح ساڍا چار وڳي پيش آيو، جنهن جي نتيجي ۾ 7 ڄڻا مارجي ۽ 40 کان وڌيڪ ڄڻا زخمي ٿي پيا آهن.
افغان اختيارين موجب، دهشتگردي جي حملي ۾ مارجي ويل ۽ زخمي ٿيلن ۾ اڪثر اين ڊي ايس جا ملازم آهن.
هوڏانهن طالبان اين ڊي ايس جي آفيس تي حملي جي ذميواري قبولي ورتي آهي.
افغان طالبان ذبيح الله مجاهد طرفان جاري ڪيل بيان ۾ چيو ويو آهي ته غزني ۾ دشمن جا گڏيل اڏا ۽ فوجي هنڌن تي حملو ڪيو ويو، جنهن ۾ ڪيترائي فوجي مارجي ۽ زخمي ٿيا آهن.
هن چيو ته غزني ۾ گڏيل فوجي اڏي تي حملو بهادر مجاهد زيد قنڌاري هڪ ڪار جي مدد سان ڪيو، حملي ۾ جاني نقصان سان گڏ ٽينڪ، گاڏيون ۽ ٻيو سامان به تباهه ٿيو آهي……….