قومي ڪرڪيٽ ٽيم جي بيٽسمين عمر اڪمل خلاف ڪيس جو تفصيلي فيصلو جاري ڪيو ويو آهي، فيصلي ۾ چيو ويو آهي ته عمر اڪمل کي نه ته ڪا شرمساري آهي ۽ نه وري پنهنجي غلطي تي معافي وٺڻ لاءِ تيار ناهي. انڊپينڊنٽ ڊسپيلنري پينل جي چيئرمين جسٽس رٽائر فضل ميران چوهاڻ عمر اڪمل ڪيس جو تفصيلي فيصلو پي سي بي ۾ جمع ڪرائي ڇڏيو آهي. جسٽس رٽائرڊ فضل ميران چوهاڻ پي سي بي اينٽي ڪرپشن ڪوڊ ۾ سامل ٻنهي چارجز جي ڀڃڪڙي ڪرڻ تي عمر اڪمل تي ٽن سالن جي پابندي لڳائي آهي جيڪا 20 فيبروري 2020ع يعني عمر اڪمل جي معطلي واري ڏينهن کان لاڳو هوندي، نااهلي جي ٻنهي مدن تي گڏ عمل ٿيندو، عمر اڪمل هاڻي 19 فيبروري 2023ع تي ٻيهر ڪرڪيٽ جي سرگرمين ۾ شرڪت لاءِ اهل هوندو. عمر اڪمل کي ٻن مختلف واقعن ۾ پي سي بي اينٽي ڪرپشن ڪوڊ جي ڀڃڪڙي تي 17 مارچ تي نوٽيس جاري ڪيو ويو. اينٽي ڪرپشن ٽربيونل جي روبرو پيشي جي درخواست نه ڪرڻ تي پي سي بي عمر اڪمل جو معاملو 9 اپريل تي ڊسپلنري ڪميٽي جي چيئرمين حوالي ڪيو. انڊپينڊنٽ ڊسپلنري پينل جي چيئرمين فضل ميران چوهاڻ تفصيلي فيصلي ۾ رمارڪس ڏيندي چيو ته ظاهري طور عمر اڪمل کي نه ڪا شرمساري آهي ۽ نه وري پنهنجي غلطي تي معافي وٺڻ لاءِ تيار آهي. هن لکت فيصلي ۾ رمارڪس ڏيندي چيو ته لاڳاپيل کاتي کي وقت تي ٻڌائڻ ۾ ناڪامي جو اعتراف ڪرڻ سان مٿس الزام ثابت ٿئي ٿو
