سنڌ جي مختلف شهرن ۾ باهه جي واقعن ۾ پورهيتن جا پنجاهه کان وڌيڪ گهر سڙي رک ٿي ويا. ٽنڊي ڄام ويجهو باهه لڳڻ سبب 20 ڪکاوان گهر سڙي ويا. ڳوٺ محمد رحيم ڪليري ۾ باهه لڳي وئي. باهه لڳڻ سبب 20 ڪکاوان گهر سڙي ويا. اطلاع باوجود فائر برگيڊ عملو وقت تي نه پهتو، جڏهن ته ڳوٺاڻن پنهنجي مدد پاڻ تحت باهه وسائي ورتي. ڄام نواز علي ويجهو باهه لڳي ، جنهن سبب 5 پورهيتن جا گهر سڙي رک ٿي ويا . ڳوٺ محمد مگسي ۾ اوچتو باهه لڳي وئي. باهه لڳڻ سبب 5 گهر سڙي رک ٿي ويا، جنهن 5 ٻڪريون به سڙي مري ويون. ڇاڇري جي ڳوٺ ۾ باهه لڳي، جنهن جي نتيجي ۾ ميگهواڙ برادري جا 20 گهر رک ٿي ويا. يوسي ڪانٽيو جي ڳوٺ گونگيو ميگهواڙ ۾ باهه لڳي وئي. باهه لڳڻ سبب ميگهواڙ برادري جا 20 گهر سڙي رک ٿي ويا. اطلاع باوجود فائر گيڊ عملو نه پهتو ، جنهن سبب باهه وڌي وئي. باهه سبب گهرن ۾ پيل سمورو سامان سڙي رک ٿي ويو، جنهن بعد متاثر کليل آسمان هيٺ ويٺل آهن
