ڊگهي لاڪ ڊائون سبب مختلف پرڏيهي هوائي ڪمپنين هزارين ملازمن کي فارغ ڪرڻ جو فيصلو ڪري ورتو

ڪورونا وائرس سبب ڊگهي لاڪ ڊائون سبب مالي بحران پيدا ٿيڻ سبب مختلف پرڏيهي هوائي ڪمپنين هزارين ملازمن کي فارغ ڪرڻ جو فيصلو ڪري ورتو آهي. آمريڪي هوائي ڪمپني يونائيٽيڊ ايئر لائنز طرفان 30 سيڪڙو ملازمن کي نوڪري مان ڪڍڻ جو فيصلو ڪيو ويو آهي. يونائيٽيڊ ايئر لائنز موجب، ڪمپني 3 هزار 450 ايگزيڪيوٽيو ملازمن کي نوڪرين مان نيڪالي ڏيندي، جڏهن ته 12 هزار 250 پائليٽن کي به جلد ڪڍيو ويندو. برطانوي ايئرلائن ورجن اٽلانٽڪ به 3 هزار کان وڌيڪ ملازمن کي نيڪالي ڏيڻ جو اعلان ڪيو آهي، ان کان اڳ برٽش ايئرويز به 12 هزار ملامن کي ڪڍڻ جو اعلان ڪيو هو. ورجن اٽلانٽڪ انتظاميه جو چوڻ آهي ته ڪمپني کي بحران مان ڪڍڻ لاءِ ملازمن جي انگ کي گهٽائڻو پوندو. هوڏانهن قطر ايئر لائنز به عملي کي نيڪالي ڏيڻ بابت آگاهه ڪري ڇڏيو آهي، جڏهن ته اهو ناهي ٻڌايو ويو ته ڪيترا ملازم ڪڍيا ويندا