اسڪولن جون شڪايتون آيون آهن، مالڪ قرض وٺي به پگهارون ڏيڻ جا پابند آهن، تعليم وارو صوبائي وزير سعيد غني

تعليم واري صوبائي وزير سعيد غني چيو آهي ته اسڪول جون شڪايتون آيون ته ملازمن کي هيسائي استعيفائون ورتيون ويون، مالڪ قرض وٺي به پگهارون ڏيڻ جا پابند آهن. ڪراچي ۾ پريس ڪانفرنس ڪندي سعيد غني چيو ته تعليم کاتي ۾ پگهارن بابت 79 شڪايتون مليون. هن چيو ته شڪايتون آيون ته ملازمن کي هيسائي استعيفائون ورتيون ويون، هن مان 53 ماڻهن جا مسئلا حل ڪيا آهن. سعيد غني چيو ته اسڪول مالڪ، ملازمن کي پگهار ڏيڻ جا پابند آهن، ادارا اسٽيٽ بينڪ مان قرض وٺي ملازمن کي پگهارون ڏين. تعليم واري صوبائي وزير چيو ته اسٽيٽ بينڪ کي گهرجي ته بنا فرق جي قرض فراهم ڪري، ملڪ ۾ اهڙيون حالتون پهريون ڀيرو پيدا ٿيون آهن. سعيد غني چيو ته صوبائي حڪومت طرفان تعليم کاتي بابت ڪجهه قدم کنيا ويا آهن